geguritan

1. WIFI 

Ngelembreh ana ing plester saben panggonan

Jejer-jejer pating tlungkup nggawani gelaran

Laptop kangsrah ora diwenehi lambaran

Jajan lan wedang ora ketinggalan

Demi nggarap tugas tak golet panggon wifinan

Merga dhuwitku gari sewunan

Mendhing golek sing gratisan

Daripada akir wulan ora mangan

2.  SELEBRITI

Ngaranmu sapa sing ora ngerti

Rupamu ana ing kabeh tipi

Bodo!! Gawe bodo!!

Jareku ning ati

Gawe adhiku sinaune ora gemathi

Nanging rejeki sapa sing ngerti?

Saiki aku dadi kacung selebriti

Kanggo ngempani bojo lan adhi

3.   TWITTERAN

Manuk biru ana ing hape jaman saiki, twitter jarene

Dhik, ndang sembahyang

Mangkono surasane “mention-mu”

Ing pikiranku akeh pitakonan

Walah mas, soleh tenan ngemutake aku sembahyang

Ora langsung nanging bisa gawe awakku jempalitan

Mbuh aku sakjane seneng karo wonge utawa tulisan

Nanging aku saiki dadi rajin twitteran