geguritan jepara

1.       JEPARA

                                                                                    

Wus cetha anggone enthuk kanugrahan

Pratandha Jepara bakal sumunar ning nagara manca

Sumilir angina nggawa pawarta gumbira

Jepara bakal mijil trahing kusumaning bangsa

Jepara…

Wiwit dina iki lan sateruse bakal mangambar-ambar ing jagad

Akih baraya gung seneng marang Jepara

Delengen kae akih nyebut Jepara

Jepara wus kondhang tlatah ukiran

Maneka warna papan wisata kang endah

Akih taduran sing ijo raya-raya

Jepara…

Wus dadi kersaning Gusti Kang Murbeng Titah

Jepara pancen wis kondang saka manca

Mugiya dadi Jepara sing arum ing rat

2. KARTINI

Kartini …

Sliramu pancen ngambar-ambar ing rat

Bebasan ana mijile suket bae padha krungu

Baraya gung seneng nyebut asmamu

Asmamu pancen kusumaning bangsa

Mangambar-ambar marang sasamaning wanodya

Kartini… Kartini… Kartini…

Sliramu pancen kusumaning bangsa

Saka labuh labetmu iki

Saiki wus akih wanodya sing bisa dadi pusaraning praja

Para wanita asipat makarya lumrahing priya

Ora tan beda priya lan wanita ing babagan pakaryan lan kalungguhan

Kartini…

Sanadyan sliramu wis kondur marang manembah

Asmamu tetep mangambar-ambar

Asmamu tan bakal kapangan jaman

Mung dongaku, muga sliramu antuk nugrahaning Gusti Kang Maha Mirah